Pak Beluk dengan Endung Yung pening ngajarkan Yung Berhitung.
“Bapang Yung, cube kabah kudai ngajari anak belajar ini,” kate Endung Yung.
“Yak ngape pule make luk itu,” jawab Pak Beluk.
“Yung ini endik paham-paham, bene palak luk ini,” jawab Endung Yung.
“Yak harus sabar die ngajari budak kecik itu,” kate Pak Beluk.
“Nah Yung, kabah ade pisang 10 buah, kabah enjukan ke kance kabah due buah, beghape sisanya,” kate Pak Beluk.
“Yak endik die guru ngajarkan luk itu,” jawab Yung.
“Ya aulah istilah nye tini,” kate Pak Beluk.
“Nah behape 10 kurang 2,” kate Pak Beluk.
“Kalu 10-2 pehasean aku delapan,” jawab Yung.
“Nah itu pacak kabah,” jawab Pak Beluk sambil kesal.
Kicik Pak Beluk dengan bininye “Ndung Yung, kalau anak lanang ini identik gennye ndai ndungnye. Kalau Yung ini buyan, agak dipertanyekah kemampuan kabah masih lebuk dulu pelajaran behitung”.
Nganing kicik lakinye, Ndung Yung panas “Maksud kabah ape bapang Yung. Ngajak bebalah kabah tu, jangan asal ngicik saje”.