MINGGU akap pas dang libur, Ndung Yung ndak masakah Pak Beluk gulai tape ikan palau undak teghung masak.
Saking semangate, Ndung Yung jak subuh lah bangun, nyiapkah ndak batan gulai.
“Bangunlah Yung, tulungi Ndung bemasak bak kamu ndak pegi kerje,” kate Ndung Yung bangunkah Yung.
“Ai kudai mak, aku gi tekantuk nian, semalam main gap ngah rombongan,” jawab Yung Pantit.
Nginak Yung ni nide ndak bangun, Ndung Yung narik kah keting Yung jak badah tiduk. Pas Yung lah bangun, Ndung Yung ngajung Yung ngambik ngubak niugh ndak batan gemuk gulai.
“Ai mak ni jeme masih lemak tiduk, lah dibangun-bangunkah, masih paghak siang bute ni,” kicik Yung.
“Udim Yung ngubak niugh tu, habis tu parut,” kate Ndung Yung.
Setelah bahan-bahan gulai disiapkah Yung, Ndung Yung ni langsung nggulaikah ikan tadi.
“Nduk alangke lemak gulai ni kele Ndung Yung,” kate Pak Beluk.
“Yak cete Pak Beluk,” jawab Ndung Yung.
Setelah gulai ni tadi lah temasak di kompor, belum didih lah ditinggalkah Ndung Yung ni nyapu. Tape ndak dikate gulai lemak jadi pecah kuah. Ndung Yung jak nyapu tekanjat base gulainye belum dikudak.
Dalam ati kenan “Oii urung nian bekendak dengan lakinye mintak Hp baru. Gulai ye dipesan dide sesuai harapan”.