BELUM lame ni Ndung Yung dengan Yung Pantit dalak pembukean. Karne banyak pembukean yang dijual agak bingung kenan ndak milih, tapi ade yang belum pernah dimakan Ndung Yung.
Jadi Ndung Yung dengan PD nye nanye luk adak.
"Makanan ape ini ges, arung nye luk lemak nian," tanye Ndung Yung.
"Selada ini namenye," jawab tukang jual.
Yak luk mane pule selada kinak luk lotek ngape dinamekan dengan selada.
"Ini namenye selada, beda dgn lotek," jawab tukang jual.
Singkat cerite sampai rumah dibukaklah makanan yang name nye selada ni tadi.
"Nah jak mane bedanya kuah kacang same, sayuran luk itu pule, dinamekan dengan selada, jauh milisit," Ndung Yung gemubih.
Singkat cerite agi sampailah Yung pantit bawe sebungkus makanan.
"Ndung ini nah amen ndak ngecap pecal lele," kicik Yung Pantit.
"Luk ape pule pecal lele tu, digiling," kicik Ndung Yung ndik keruan.
Satu dibukak Ndung Yung, bukane pecel lele alias lele goreng.
"Lele goreng ini Yung, ukane pecal, banyak nian ragam name makanan kini hari," Ndung Yung maju gemubih.