Ceritinye Yung Pantit dapat tugas jak guru sekolah kesenian dengan guru Bahasa Inggris.
Tugas kesenian benyanyi lagu daerah, sementara tugas Bahasa Inggris juge nyanyi makai Bahasa Inggris.
Jadi Yung Pantit lah nyiapkan lagu daerah khusus base Semende. Lagu Yung ni sesuai dengan bahasenye alias rejungan.
Singkat cerite berhubung Yung Pantit pacak mainkan gitar, pas saje sambil begitar sambil nyanyi rejung.
Tapi puk lihai begitar, suaghe Yung Pantit ni kurang padek nian alias ndik lemak didengar. Jadi dapat dibayangkan suaghe tu lukmane.
Pas lah hari H alias tampil giliran Yung beda dewek. Dengan PD-nye bawe gitar nyiapkan kursi langsung duduk, gitar bebunyi suaghe pun bebunyi luk adak Yung belagu rejungan khas bahasenye.
Singkat cerite, guru ngan kekance sekelas nginak Yung Pantit dengan semangatnye nyanyi penuh dengan resapan, awak ndak tetawe awak ndak nangis pule.
Dalam kelas tu lah besedih gale dengar Yung berejungan puk suaghe luk kambing kene tarik.*