BELUM lame ni Pak Beluk dengan Merin ceritenye dapat kenalan ngah jeme luar negeri. Tapi sayangnye satu diajak kenalan agak maluan Pak Beluk ni tadi alias gerogi.
Nginak Pak Beluk ndik galak kenalan alias gerogi ni tadi cuilnyelah gaweh Merin.
"Kenalan kuday dengan bule ni mang," kicik Merin.
Lum lame di cuil ni tadi Pak Beluk kenalan tedingin tangan Pak Beluk sambil kenalan ni tadi.
Singkat cerite sambil ngobrol ndik tahan Pak Beluk duduk lame, lah ndak ngicik kah balik dulu.
"Balik ndulu aku Rin, gilah kamu saje ngobrol," kicik Pak Beluk.
"Yak cepat nye Mang, spontan saje," jawab Merin.
"Au amen luk itu kate kamu same-same balik saje kite," jawab Merin agi.
Lah ditinggalkah makanan pucuk meja, Pak Beluk dengan Merin bepamitan ndak balik.
"Balik kuday kami tu dek," kicik Merin dengan bule.
"Uy awu men lah ndak balik, ndik ngape," jawab bule.
Singkat cerite agi, lah balik nanyelah Merin dengan Pak Beluk atas motor ngape sangkan ndak balik cepat.
"Ngape balik cepat mang, ape alasan sangkan ndak balik," tanye Merin.
"Ay dikde eh lah minder dulu Rin," jawab Pak Beluk.
"Ngape kabah model luk itu," tanye Merin ini.