BELUM lame ni Merin ngelamar kerje di perusahaan besak, dengan harapan dapat gaji ye gaji juge. Merin sedang duduk ngelamar kerje, kenan tekinak gadis katah alap e.
Dalam ati Merin “Yak alangkah alap gadis Jakarta ni, berarti memang ndik pembuhung ape kate Pak Beluk ngicik tu”.
Jadi pas hari ketige lah kene panggil Merin, berkat pengalaman kerje lah banyak, jadi cepat di panggil.
Satu hari ketige ngulang tekinak agi gadi aghian tu, cak jual mahal Merin ni tadi. Kalu gadis alap ndak damping die.
Anya dalam ati Merin "Yak sombong pule jeme Jakarta ni, nuleh kiah adak bukane ndak damping atau kenalan nuleh kiah adak".
"Pukunye harus dapat tuape pun ilmunye, harus ngelekat," kicik Merin sambil nunggu panggilan.
Singkat cerite, lum lame Merin dipanggil. Gadis Jakarta ni nuleh Merin. Satu dituleh nitadi Merin lah cecengis saje.
Jadi tu sesampingan lah Merin ngan betine Jakarta ni. Merase lah ganteng Merin ni dengan PD-nye ajak i nyelah kenalan.
"Hallo," Merin cacak bebase.
"Hay," jawab betine alap.
"Kenalin nama aku Merin," uji Merin
Agak mengak, betine alap dengae name Merin.
"Ou namanya bagus juga ya," jawab gadis alap.
"Orang mana ya," tanye Merin.
"Gua orang Bandung pengen ngelamar kerja disini," jawab gadis tu.