Pak guru Yung Pantit ngenjuk pelajaran dengan anak didiknya temasuak Yung Pantit. Anye pelajaran kali ini beda iluak biasenye, Yung Pantit dengan kancenye diajung tulis informasi tentang pemilihan kepala daerah (Kada).
Mulailah Yung Pantit buat berita dengan kancenye, anye saje Yung Pantit de tau maksudnye nihan, tape bae kerje jeme penting ini di dusun.
Yung Pantit dengan kancenye dapat pinjaman jak gurunye handhpone (HP) batan foto-foto kondisi di dusunnye jelang Pilkada ini. Ngape pule tefoto kantor de tebuka pintunye. Dalam ati Yung Pantit dengan kancenye pule. Ini kantor ape gudang. Anye de ade jemenye ni.
Mulailah bedencing Yung Pantit fotokah gale. Lah udim itu sibuk Yung Pantit buat informasi menarik dan terhangat, bahwa ade kantor de tebuka pintunye.
Belum lame itu pas tekinak dengan jeme penting tadi informasi Yung Pantit, sibuklah die ndak ngajak betemu.
“Bapang, akuni tadi mpai udim diancam jeme penting,” uji Yung Pantit
“Siape itu, pacak bapang ni mecinye,” uji Pak Beluk
“Jeme penting bak, akuni diajungkan guru foto-foto kenelah kantor de tebuka pintunye,” jawab Yung Pantit
“Biase saje itu Yung, pacak bapang ngurusnye, anye saje mu jangan macam-macam lagi,” timbal Pak Beluk
“Au bapang,” jawab Yung Pantit agi
“Jadi bapang, aku ndak makan mertabak angat kudai dengan kance, tande lah besyukur,” timbal Yung Pantit
“Au Yung, lemaklah makan mertabak angat jak diprotes ijean jeme penting. Anye amen lah besak cubo kudai jadi jeme penting pule, mangke pacak ngancam juge tapi jangan ngancam Merin, kalu tekipur kaban Yung,” saran Pak Beluk.