PAK Beluk akap ini kesal. Jam tangan kesayangan ye masih kredit entah dimane badanye. Padahal, alroji merk Rolex tapi KW 3 itu kah dibatak undangan ke dusun sebelah.
"Adak dimane kiratannye gerude itu," Pak Beluk bemumut sambil nyakaghi alroji itu.
"Seingat kamu kebile pule kamu terakhir makainye, mangke di mane pule terakhir kamu nepikkah," tanye Mak Beluk.
"Aghi Kamis waktu ke kantor bupati, aku terakhir makainye. Mangke waktu nak yasinan malamnye tu, rencane ndak kupakai. Anye dide lansung," jelas Pak Beluk.
"Mangke seingat aku. Amu dide di atas meja bilik. Di atas meja teras aku meletakkannye," tambah Pak Beluk.
"Amu di atas meja kamar ku jamin dide bedie. Cube perikse di bawah meja teras tu," saran bini Pak Beluk.
"Lah udem ku perikse di bawah meja teras. Tetap dide bedie," jawab Pak Beluk.
"Amu ditepikkah di atas meja teras. Kalu lah amankah kawan," Mak Beluk berpendapat.
"Ah mustahil. Selame ini Hp galak tekeridang di teras tu anye aman. Mase jam KW diembat. Mangke pejabat desa nga mantan preman laki kaba ni. Alangkah berani jeme tu maling di ghumahnye," sanggah Pak Beluk.
"Yak kalu jeme ingin tu. Ndak di ghumah sekretaris daerah masih kah dimalingnye. Apelagi cuma sebatas sekretaris desa. Mangke kamu centeng kadaluarsa, lah tue. Dide takut agi jeme," kate Pak Beluk.
"Aduh rugi banyak aku tu. Barang lengit kredit masih nak dibayar," keluh Pak Beluk.