BELUM lame ini Pak Beluk bedue dengan Merin cerite masalah makan bergizi supaye anak-anak sehat. Tapi carenya merugikan jeme hajatan. Lantaran amen jeme lagi reramian hajatan, kesempatan anak – anak makan bergizi gale. Singkat ceritenye.
“Anak-anak mbak kini harus makan bergizi gale,” uji Pak Beluk.
“Nian itu Pak Beluk, masalanye butuh nihan vitamin,” timbal Merin.
“Au penting nihan makan bergizi bukan anye anak saja, tapi kite juge penting makan bergizi,” uji Pak Beluk agi.
“Tapi amen makan bergizi lukmane carenye, gegalenye makan dana gale titu Pak Beluk,” uji Merin agi.
“Au nihan Merin, amen kite galak makan gulai pendap dengan sambal teghung kalu gizinye dide banyak nian,” timbal Pak Beluk.
“Au nian jiku, amen gulai kiteni paling tinggi gulai jantung pisang, sege ndak begizi,” uji Pak Beluk.
Belum lame tu mulailah Merin bepikir, lah dapat pikiran matang, mpai ngobrol lagi dengan Pak Beluk.
“Carenya, ajak anak kalau ade adik sanak hajatan, diajak makan. Ambik gale ayam ikan sampai kue bolu itu,” uji Merin.
“Benar nian katemu Merin. Kalau ade acara jamuan ajak anak, mangke makan bergizi juge. Pintar juge ide kabah Merin,” timbal Pak Beluk.
“Anye sesenai Pak Beluk ngambik gulai lemak itu. Kalau ngambik gulai di ghumah jamuan sanak pamili tu, kalu maluan tue,” uji Pak Merin sambil besiul.
“Yak, tentu pehatikan kudai kondisi ce. Supaye dide keruan nian jeme rami tu,” uji Pak Beluk serius.
Dalam ati Merin “Kalau bedoa jeme hajatan didekah galak damping Pak Beluk. Ceki kele dipantakah kenan trik ini. Pacak maluan nian kele, sebab jeme ini kalau lah masuk di palak mbigalkah”. *