Udim beberes dapur, Mak Beluk langsung mandi.
Udim mandi kenan lah gabung ngan tetange sebelah rumah. Ngobrol ngulur ngidul.
Pas ngobrol, tetange Mak Beluk ngicik pesan barang melalui online.
Karena kenan endik ngerti, Mak Beluk diam saje.
“Kaba Mak Beluk, lah galak mesan barang online?” tanye tetangenye.
“Nide aman galak, sesekali,” jawab Mak Beluk.
“Ape pule mesan online ni,” dalam ati Mak Beluk.
“Mak ini lemak nian mesan barang, agi promosi gale, jeme nak akhir tahun,” kate tetenge Mak Beluk.
Balik jak ngobrol dengan tentangenye.
Mak Beluk manggil Yung.
“Yung di mane kaba, sini kudai?!” uji Mak Beluk.
“Yung lukmane jeme mesan online itu?”tanye Mak Beluk.
“Yak mesan di aplikasi yang ada di Hp mak,” jawab Yung.
“Siape pule COD itu Yung, hebat nian die itu?” tanye Mak Beluk.
“COD itu istilah, bukan jeme,” Yung jelaskan ngah endungnye.