PAK Beluk tekejut, sebab di ruguk sepi ade gadis sedang kemacetan motor. Kenan paraki betine belagak itu dengan senai. Lah parak, Pak Beluk mulai bejijih dengan betine ye alap itu.
“Ngape motor kabah dek” tanye Pak Beluk sambil senyum manis.
Njawab gadis itu dengan agak ketakutan “Ntahlah mang, tetibe matik motor ini. Tapi wajar nian mang, motor lah tue. Mungkin lah banyak bidapannye, semingge dide tahan lagi bejalan”.
Sambil memanggut Pak Beluk ngicik agi “Kalu businye bemasalah ding, semingge matik motor kabah. Kalau motor lah beumur tu rerajin bersihkan businye, supaye mudah dan tahan idupnye. Semingge kabah puas nggancuinye, dide memacetan”.
“Ooo mbak itu mang, tapi aku ini dide keruan ape – ape tentang busi motor ini. Lukmane mbersihinye, lukmane ngilukinye. Aku keruan nggancunye saje mang,” kate gadis itu terus terang.
“Naa itulah kabah, kalau lah tue itu businye rerajin dikusuki. Semingge die alap, awet dan tahan lame. Bahkan kabah bakal puas nggancunye,” jelas Pak Beluk panjang libagh.
“Pusik aku mang urusan busi tue ini, mendingan dicapakh saje. Genti busi mude, pasti mudah idup tahap lama. Ketimbang busi tue ye nyarekah saje, buse tue itu semegi dengan jeme tue mang. Mudah kene bidapan, dide betenage agi,” tegas gadis itu.
Pak Beluk ye tadi sok keruan hanye mendam saje kini.