TAUN kini lah mulai lihai nian dalam segale modus, bahkan ape yang diwajibkah dituntaskannye dengan alap tegalau. Anye dibalik gagelnye ini, Taun lah mulai ade care tesendiri ye mbuat Merin dengan Pak Beluk pusing bahkan purik.
“Taun ini kini lah mulai lihai pakai modus,” kicik Pak Beluk.
Sambil lelinyum Merin nyahut “Lah lame die titu, anye selame ini dede ade peluang. Semingge dide keruan nian gaya die”.
Agak tekejut Pak Beluk “Bebenagh kudai ce, kabah keruan nian ape ndeduge saje. Jangan asal ngicik, kantin kite walau mbak itu die”.
“Yak, aku itu ngicik ape adenye. Ukan ye dide dijadikah ade. Aku ini serius Pak Beluk, ukan kaleng – kaleng. Ade datenye aku ngicikny ini, anye selame ini aku mendam saje,” kicik Merin sambil lelinyum saje.
“Yaaak meleset ini, lah ncalaki Taun ini kini. Mase dapat lukak kite dide dikabari agi nian. Kite ini ndalak hidup sesame bai, ukan ndak lemak dewek,” kate Pak Beluk agak ringam.
Merin hanye besesiul saje sambil nginaki pelapon berande ghumah Pak Beluk.