Pak Beluk cube-cube usahe pecel lele karena kancenye yang di Bali itu sukses. Sehari dapat 300-400 ribu, padahal skill masak dide bedie.
"Bismillahirrahmanirrahim, semoga hari pertama ini lancar dan banyak pembeli," Pak Beluk bedoa.
Setelah 1 jam nunggu, ade mobil avanza hitam berhenti di warung pecel lele Pak Beluk.
"Pak masih ade pecelnye?" tanye supir.
"Masih pak," balas Pak Beluk.
Akhirnya supir dengan 3 penumpangnye tadi turun.
"Minta pecel lele 4 pak," kate supir
"Oke pak, tunggu 15 menit," balas Pak Beluk.
Singkat cerita, pecel lele pesanan tadi lah masak.
"Ini pak pesanannye," kate Pak Beluk dengan ramah.
"Iya pak terima kasih," balas supir dengan penumpang.
Di sini pembeli nanyekah sambal dengan Pak Beluk. Karena memang, makan pecel lele itu wajib dengan sambal. Sementara, Pak Beluk lupe nyiapkan sambal.
"Pak mane sambalnye," kate pembeli.
"Mohon maaf pak, kalu untuk sambal cabe lupe buat tapi ade sambal lain," balas Pak Beluk.
"Basinglah pak ye penting ade sambal," balas pembeli