PAK BELUK, Merin, Taun dan Janaul sedang ngumpul. Raban ini walau sekantin sering nian berubutan, ape lagi uruan lagu. Sebab memasing ade lagu andalan, kalau kah ngicupkan speker pakai Bluetooth berebut raban tu kah nggunekah HP. Sebab raban tu kah masukah lagu andalannye, hanya Jenaul ye sering dide komentar. Kini Merin ye sering nian musikah spiker tu, kenan maju dide ngalah.
“Kalau kabah ngicupkah lagu pasti kidung, cube pikirkah kami ye dide anjam dengan lagi itu ce,” kate Pak Beluk.
Nimbal Taun “Au nian, jangan selire kabah manjangan. Cukah sesekali lagi ye menasional saje, lemak kite serame nganingkah lagu dengan santai”.
“Yak, kalau aku tu menasional nian dulu. Ngikut saje lagu kabah tu Pak Beluk, anye semakin lame semakin sekendak buyah kamu. Semingge aku dide selire agi lagu tu, lah nyagu,” ketus Pak Beluk.
“Udimlah berebut lagu itu, pilih ye iluk saje ngape. Putarlah lagu ye santai, lemak kite serame nganingkah,” timbal Janaul nenangkah.
“Aku sepekat nian itu ce, anye kalau dide same selire lagi mbak mane. Aku lagi Merin itu dide nian semasukan, aku negreti saje dide,” kate Taun negaskah.
“Aku juga same, jadi kalau mbak ini kalau bekumpul kite memasing mbatak sipeker. Supaye same jalan lagu silire kite, “ kate Pak Beluk besikukuh.
“Naa mantap itu ce, lemak dide saling pusingkah urusan lagu. Masing – masing mutar lagi yang diriangi,” sahut Taun.
“Teserah kamu lah, ye penting spiker ini untuk aku. Kamu kah mbatak teserah, aku didekah ngalah. Lukmane kinah jadi gale,” tantang Merin.
Nganing kicik kekantinnye itu Janaul ngambik jalan tengah “Dide iluk kalau memasing mbatak siipker. Mase kite ngumpul sesame memasing mutar lagu, kalu dikinak jeme lain agak janggal. Pacak dikatekah jeme kite ni kumpulan jeme gile”.
Lanjut Janaul “Jalan tengahnye mudah, supaye kite same lemak dan tehibur gampang nian. Pasti kamu gegalenye setuju”.
“Yak, lagu tuape itu ce. Mantaplah itu,” kicik raban tu serempak.
Timbal Janaul “Mulai mala mini kite putar lagu agame saje. Jeme nganingnnye lemak, kamu betige dide rebut lagi kesayangan agi. Aku rase itu adil, kite tampaknye tambah kompak”.
Nganing kicik kantinye itu raban tu mendam gale. Tinggal pasrah tapi tak rela saje seminggenye. (red)