PAK BELUK belum lame ini mesan baju batik di Toko Pedia untuk acara pesta Merin. Digambar, baju batik yang dipesan Pak Beluk coraknye ringkih, review jeme beli positif gale. Harganye bajunye berkisar Rp 250 ribu.
"Batik ini nampaknye halap, hargenye juge lumayan murah, cek out inilah," pikir Pak Beluk dalam ati.
Singkat cerita 3 hari kemudian, baju pesanan Pak Beluk sampai.
"Hallo, betul ini dengan Pak Beluk," tanye kurir.
"Betul, ade ape," tanye Pak Beluk.
"Ini ade paketan, aku lah di lokasi. Dimana rumah bapak," tanye kurir.
"Ooh au tunggulah di situ," jawab Pak Beluk.
Singkat cerita, paketan tadi lah sampai dan udim diterima Pak Beluk. Langsung masuk ke ghumah, Pak Beluk mbukak paketan. Waktu dibuka Pak Beluk tekejut.
"Allhamdulillah sampai juge baju," kate Pak Beluk sambil mbukak packing paketan dengan karter.
"Astagfirullah, seriuslah kudai, ngpe gorden yang sampai ini. Aii salah kirim tukang jualan ini," kate Pak Beluk sambil ngecak pesanannye.
Ngerase dide sesuai pesanan, akhirnye Pak Beluk ngirim pesan ke toko jualan tadi.
"Assalamualaikum bapak/ibu. Ngape pesanan aku yang dikirim dide sesuai dengan ape yang aku beli," tanye Pak Beluk sampai kirim gambar.
"Warallaikumusalam, mohon maaf bapak/ibu. Pesanan yang kami kirim sudah sesuai dengan apa yang bapak beli, tolong diperiksa kembali pesanannya, terimakasih," jawab call senter toko.
"Yaaak mbigalkan nihan ini, salah sesuai luk mane kalu ye datang gorden," kutuk Pak Beluk sambil meriksa pesanannya
Pak Beluk tekanjat, rupenye pesanan yang di belinye itu gorden batik, bukan baju batik.