Ceritenye Pak Beluk ngan Merin main tebak-tebakan sambil nunggu acara Debat Calon Presiden (Capres), di ruangan tamu ghumah Pak Beluk.
“Merin, melah kite main tebak-tebakan sambil nunggu debat Capres,” ajak Pak Beluk, besemangat.
“Melaah, main tebak-tebakan ape titu?” timbal Merin.
“Kursi ape pacak buat jeme lupe ingatan,” jawab Pak Beluk
“Kursi malas,” jawab Merin
“Haha... Salah, bukan kursi titu,” timbal Pak Beluk.
“Kursi pejabat yang ade di Pemda titu pacak buat jeme lupe ingatan,” kate Merin.
“Salah agi hahaha, jawabannye kursi anggota dewan,” jawab Pak Beluk.
“Ngape kursi anggota dewan pacak buat jeme lupe ingatan?” tanye balik Merin.
“Lah jelaslah! Sebelum duduk di kursi dewan, bayak Caleg bejanji-janji manis lemak masyarakat milih, eh udim lah duduk di kursi dewan, langsung lupe janji-janjinye waktu Caleg dulu,” Pak Beluk lah pasih ngobrol politik.
Udim tu giliran Merin ngenjuk tebak-tebakan. Maju tetawe-tawe Pak Beluk ngah Merin saking serunye tebak-tebakan. Endim sadar agi, acara debat Capres lah ndak udim pule.
“Ai...Alihkan kudai siaran Tv tu. Kalu lah mulai debat tu,” kate Merin.
“Ndukk...Ukan agi ndak mulai setini. Lah ndak udim pule gawih ni,” uji Pak Beluk.(tik)