PAS aghai Minggu Ndung Yung dengan rombongannye jalan-jalan ke pantai. Anye sayang nian, pas hari libur kance sikuknye ndik lemak badan. Jadinye ndik ngikut alias tekepor.
"Sayang nian Maimunah ndik ngikut, madaknye tambah seru ame die ngikut," Ndung Yung ngicik.
Pukuknye care happy-happy nian rombongan ni tadi. Men kate Ndung Yung jarang luk ini, pung pangkenye jadi nikmati lah kuday.
Singkat cerite, Ndung Yung ni nginak pusikan baru alias nginak turis main selancar.
"Pukuknye ndak ku tunggu turis tu, aku ndak befoto," Ndung Yung ngicik.
Lum lame lah udim nian, lah darat gale turis banyak yang main selancar ni. Singkat cerite agi panggilnye rombongan turis ni tadi sambil ngecak selancar.
Sate Ndung Yung damping ketakutan alias nginak turis basah gale. Ndik beghani nginak, jadi ajungkanyelah gawi Ndung Yung ganti baju, mangke lemak juge nginaknye, alias ndik lemak ndik nampak nian.
Pas udim ganti baju lah keren turis sikuk ni tadi, galaklah Ndung Yung befoto. Singkat cerite agi turis tu ngajung pakai HPnye alias pakai HP turis befoto (giliran).
Jadi tu Ndung Yung dengan kance nye sikuk ye befoto di pakai HP turis. Sate udim befoto pikiran Ndung Yung negatif.
"Ceh ndikkah ngengape foto kite tu tadi," Ndung nanye dengan kawanye.
"Ndik takutan kabah," Ndung Yung ngicik agi.
"Takut ngape pule ceh. Ndik kah ngape kekenangan pule," jawab kance nye.
"Bukan luk itu, kele bawenye ke dukun, santet nye pule supaye kite gegilean dengan die. Aku dide galak dengan die tu, marih ribang dengan bapang Yung tula," Ndung takutan.
"Yak ndik ce, mase jeme luar negeri nyantet. Ndik bedie sejarah nye ase ku. Kalu pule die dide galak mbini kite ye alap model mundi kelimun ini," kate kance Ndung Yung semabil tetawe.