Obat Sakit Palak

YUNG Pantit ni ceritenye baru balik jak sekul. Die ni ndalaki ndungnye ndik bedie di ghumah. Sampai die ni dide ndak makan kalu ndungnye lum nimbul.

“Ke mane jeme ghumah ni? Ndik gale di ghumah ndung ngah bapang ni,” kate Yung gemimul sughang.

Karne lah didalaki ndik bedie nemu, Yung Pantit ni tekanyap. Singkat cerite Ndung Yung balik.

“Uy kabah, ngape tiduk di lantai ni,” kate Ndung Yung bangunkan Yung tiduk di lantai.

“Jak mane mak? Ku dalaki ndik bedie ketemu kabah ngah bapang,” tanye Yung.

“Mak tadi jak ndalaki sayuran untuk petang ni,” jawab Ndung Yung.

“Penat aku ndalaki kabah mak, sampai belum makan aku,” kate Yung.

“Bengak nian kabah ngape ndik makan kudai,” jawab Ndung Yung.

“Sakit nian perutku ni mak,” kate Yung.

“Makanlah kudai, perut kabah kosong sangkan sakit tu,” kate Ndung Yung.

Karne aghi lah sore, Bapang Yung ni balik jak begawih. Tibe-tibe die ni ngeluh sakit palak.

“Uy kabah, dalakkah kudai akuni obat, palakku ni sakit nian,” kate Pak Beluk nyuruh Ndung Yung.

Belum dijawab Ndung Yung, tibe-tibe Yung langsung njawab.

“Palak bak tu kosong, makenye die sakit. Isilah kudai make ndik sakit lagi. Aku tadi diajarkah mak luk itu. Jelah kan mak?” kate Yung.