Makan Buah Simalakama

Jadi Yung Pantit ngah kancenye Ujang Kericup, ndak mancing di sawah belukar. Karne lah jauh hari bepaham akhirnye lasung juge mancing.

Tapi pas ndak berangkat di tengah perjalanan Yung Pantit ni nginak Merin di pondoknye sambil berejung bunyikah tip bias-bias.

Lucunye, kane tip saje yang bebunyi tapi mulutnye lah timbang bias. 

Care pakaian Merin ni luk jeme lah umuran 70 sangking kah tuenye, padahal gi batin mude.

Bebaju adak cuman bekain sarung, sambil ngunjurkan keting ngecakkah puntung rokok dengan kupi segelas.

"Mantap kamu tu mang, boleh-boleh pule lagu rejung ni pas nian tengahan di sawah mutar lagu rejung ngape ndik takut gale burung," kate Yung beragam.

Singkat cerite, pas udim ngobrol ni tadi, Merin ni ndak ngikut pule mancing. Pakaian Merin ni ndik diganti masih bekain sarung tulah bebaju adak.

Mangke tu saling cuil lah Yung ngah kancenye Ujang Kericup ni tadi sambil berbisikan.

"Takut kedodoran (merosot) kain sarung yang dipakai ni," kate Yung.

Pas lah sampai badah pemancingan, lum lame lah masangkan umpan lah ditungguilah. Berape menit kemudian ngene umpan Merin ni tadi.

Langsung betegak, ndik ingat agi awak pakaian ni tadi bekain sarung saje.

Sambil narikkah pancingan sambil pule ngiluk i kain sarung.

Rupenye agak sege ikan nitadi agak besak, majulah bekeludak ngah kain ni tadi. Mane sibuk ngijekah basahan, mane sibuk ngijekah ikan kena pancing. Tini salah gale, bagai makan buah simalakama. Amankah basahan anye ikan lepas atau amankan ikan anye basahan lepas. Men Yung Pantit ngan Ujang Kericup lah lembut nawekah Merin.